الست سميرة من محافظة الأقصر، ست بسيطة وأم لأربع أطفال.
نور عينيها إنطَفَى ومبقتش قادرة تعيش حياتها بصورة طبيعية، ومش عارفة تراعي طفلها الصغير اللي بيعاني من الصرع.
زوجها كان العائل الوحيد، شغال عامل باليومية في الزراعة، ولكنه أصيب بجلطة في المخ اتسببوا في فقدان للذاكرة بشكل جزئي وضعف عام للجانب الأيمن من الجسم، يعني مش هيقدر يشتغل أو يعول أسرته.
وبرغم تأكيد الدكتور إنها لازم تعمل عملية في عينها، إلا إنها مقدرتش على التكاليف!
وكمان اضطرت توقف تعليم ولادها، رغم قسوة القرار عليها كأم، وكل ده، بسبب ضيق الحال وتكاليف العلاج اللي بتزيد كل يوم ومافيش دخل ثابت تقدر تعيش وتتعالج منه هي وأسرتها.
الست سميرة محتاجة كفالة شهرية عشان تكمل علاجها وعلاج زوجها، وكمان أولادها ترجع للمدارس من جديد. بدعمك وتبرعاتك هتساعد في تغيير حياة أسرة كاملة وهتخلّي الفرحة تملا بيتهم.